ဝါရှင်တန်၊ အောက်တိုဘာ-၂၄-၂၀၂၄
မျိုးဆက်(VOM)
လေးနှစ်အတွင်း လစာ ၃၅ ရာခိုင်နှုန်းတိုးပေးမယ့် ဘိုးအင်းကုမ္ပဏီရဲ့ ကမ်းလှမ်းချက်ကို အလုပ်သမားတွေက အောက်တိုဘာ ၂၄ ရက်မှာ ပယ်ချလိုက်ပါတယ်။
ဘိုးအင်းရဲ့ ကမ်းလှမ်းချက်ကို အပြည်ပြည်ဆိုင်ရာ စက်ပြင်ဆရာနဲ့ လေကြောင်းလုပ်သားများသမဂ္ဂအဖွဲ့ဝင် ၆၄ ရာခိုင်နှုန်းက ကန့်ကွက်မဲပေးခဲကြောင်း ထုတ်ပြန်ထားပါတယ်။ ၁၀ နှစ်ကြာ အနစ်နာခံခဲ့ပြီးနောက်မှာ ညှိနှိုင်းဆွေးနွေးမှုတွေ ဆောလျင်စွာပြန်လုပ်နို်ငဖို့ မျှော်လင့်ထားတယ်လို့ ထုတ်ပြန်ချက်မှာ ဆိုပါတယ်။
ဘိုးအင်းရဲ့ ဝန်ထမ်း သုံးသောင်းကျော်ဟာ ဘိုးအင်းရဲ့ ကနဦး ကမ်းလှမ်းချက်ကို ပယ်ချပြီးနောက် စက်တင်ဘာ ၁၃ ရက်ကစပြီး ဆန္ဒပြမှုတွေ ပြုလုပ်ခဲ့ပါတယ်။ ဒါဟာ လုပ်ငန်းခွင် ဒီမိုကရေစီဖြစ်ပြီး ကုမ္ပဏီအနေနဲ့ အလုပ်သမားတွေကို တနှစ်ထက်တနှစ် ဖိနှိပ်မှုအကျိုးဆက်တွေရဲ့ သက်သေတွေဖြစ်တယ်လို့ အလုပ်သမားတွေက ဆိုပါတယ်။
ဘိုးအင်းအနေနဲ့ ဝယ်လိုအားကျဆင်းမှုနဲ့ အလုပ်သမားတွေရဲ့ သပိတ်ကြောင့်လုပ်ငန်းထိခိုက်ခဲ့ပြီး ပြီးခဲ့တဲ့ သုံးလပတ်အတွင်း ဒေါ်လာ လေးဘီလီယံကျော်ထိ ဆုံးရှုံးခဲ့ပြီး ကုမ္ပဏီအနေနဲ့ လမ်းဆုံးလမ်းခွရောက်နေပြီလို့ ဘိုးအင်း သူဌေးဖြစ်သူ ကယ်လီအောဘက် ပြောပါတယ်။
ဘိုးအင်းရဲ့ နောက်ဆုံးကမ်းလှမ်းချက်ကို အလုပ်သမားတွေက ပယ်ချတာနဲ့ ပတ်သက်ပြီး ကုမ္ပဏီဘက်က မှတ်ချက်ပြုပြောဆိုခြင်းမျိုးမရှိပါဘူး။ သပိတ်မှောက်အလုပ်သမားတွေဟာ အဆိုပြုထားတဲ့ ကမ်းလှမ်းချက်ကို ပယ်ချတာဟာ ဒုတိယအကြိမ်ဖြစ်ပြီး ယခင်လက ကမ်းလှမ်းချက်ကိုတော့ အလုပ်သမား ၉၅ ရာခိုင်နှုန်းက ပယ်ချခဲ့ပါတယ်။
Ref:BBC
Photo:Reuters
Related posts
-
ဆိုင်ကလုန်း “ဒါနာ” အရှိန်ကြောင့် ၂၄ နာရီအတွင်း တိုင်းနဲ့ပြည်နယ် ၁၁ ခုမှာ မိုးကြီးပြီး လေပြင်းတိုက်ခတ်နိုင်
အောက်တိုဘာ ၂၄ – ၂၀၂၄SN (VOM)ဆိုင်ကလုန်းမုန်တိုင်း “ဒါနာ” ရဲ့ အရှိန်ကြောင့် တိုင်းနဲ့ပြည်နယ်... -
တာချီလိတ်မှာ မိုင်းဖုန်းဆရာတော်တည်ထားတဲ့ ဓာတ်တော်စေတီနဲ့ ဘုရားရုပ်ပွားတော်တွေ ဖျက်ဆီးခံရ
အောက်တိုဘာ-၂၄-၂၀၂၄ ZY(VOM) ရှမ်းပြည်နယ်အရှေ့ပိုင်း၊ တာချီလိတ်မြို့နယ်မှာ ပြီးခဲ့တဲ့ အောက်တိုဘာလ၊ တတိယပါတ်အတွင်းက မိုင်းဖုန်းဆရာတော်တည်ထားတဲ့ ဓာတ်တော်စေတီနဲ့... -
ရေဘေး ပြန်လည်ထူထောင်ဆဲကာလ ကလော တန်ဆောင်တိုင်ပွဲ ကျင်းပမယ့်အပေါ် ဒေသခံတွေ ဝေဖန်
ZY(VOM) အောက်တိုဘာ ၂၄၊ ၂၀၂၄ ရှမ်းပြည်နယ်တောင်ပိုင်း၊ ကလောမြို့နယ်မှာ လက်ရှိကာလအတွင်း သဘာဝဘေးကြောင့် ပြန်လည်...